Хөрөнгө оруулалт ба багцийн хуваарилалт
Тэтгэврийн Ууган Сан /цаашид “Сан” гэх/ 2014 оны 1-р сарын 1-нээс гишүүддээ хөрөнгө оруулалтын ялгаатай түвшин бүхий эрсдэл өгөөжийн гурван төрлийн багцуудыг санал болгож эхэлсэн. 2017 оны хувьд нийт гишүүдийн 38,7% нь 1-р багц, 33,8% нь 2-р багц, 27,5% нь 3-р багцыг сонгосон байна.
Сангаас гишүүдийн хуримтлалыг дараах байдлаар байршуулан хөрөнгө оруулалтын багц бүрдүүлэн хөрөнгө оруулалтыг хийсэн.
Өгөөж
2017 онд Сан гишүүдийн хуримтлалыг Хөрөнгө оруулалт, эрсдэлийн удирдлагын бодлогын дагуу хөрөнгө оруулалтын менежмент хийж 1.04 тэрбум төгрөгийн хөрөнгө оруулалтын ашигтай буюу 3 багцын дунджаар 17,29%-ийн дундаж өгөөжтэй ажиллаа. Зэрэглэл 2 буюу хувьцаа, компанийн бондын хөрөнгө оруулалтаар 33,29%-ийн ашиг олсон нь Багц 2, Багц 3-ын өгөөж өндөр байхад нөлөөллөө.
Сангийн ажилтан гишүүний хувьд өөрийн оруулсан хуримтлал дунджаар 134,58%-ийн бодит өгөөжтэй байна.
