Тэтгэврийн Ууган Сан ТББ нь 15 жил гишүүдээ хувийн тэтгэврийн хуримтлалтай болгох зорилгоо амжилттай хэрэгжүүлж ирсэн. Цаашид энэ зорилгодоо нийцүүлэн илүү мэргэжлийн, илүү  нээлттэй ажиллахаар “ТУС Хамтын Нээлттэй Хөрөнгө Оруулалтын Сан” болж байгааг та бүхэндээ дуулгахад таатай байна. Энэхүү өөрчлөлтийг гишүүн байгууллагууд маань дэмжиж, хамтран ажиллах шийдвэр гаргасан бөгөөд байгууллагын зүгээс хуримтлуулах хувь, байгууллагын хуримтлалаас авах нөхцөл, гишүүнчлэлийн хугацаа зэрэг гишүүд та бүхний эрх ашиг хэвээр хадгалагдах болно. 

Харин одоо Гишүүд та бүхний саналыг авахаар энэ удаагийн Бүх гишүүдийн хурлаа зохион байгуулж байна.

Иймд  та бүхэн доорх мэдээлэлтэй танилцаад “Өөрийн хуримтлалаа ТУС хамтын нээлттэй хөрөнгө оруулалтын санд шилжүүлж, үргэлжлүүлэн хуримтлуулах эсэх” саналаа ГИШҮҮН НЭВТРЭХ цэсээр нэвтэрч өгөөрэй. 

 

I. ТУС хамтын нээлттэй хөрөнгө оруулалтын сан /ТУС ХОС/-ийн ГИШҮҮН болсноор танд үүсэх ДАВУУ ТАЛ.

  • Таны дансанд 2025 оны хагас жилийн хөрөнгө оруулалтын өгөөж нэмэгдэнэ.
  • Та өдөр тутам үнэ цэн нь өсөх нэгж эрх эзэмшигч болно.
  • Нэгж эрх эзэмшсэн хугацааны өгөөжийг авна.
  • Таны одоогийн гишүүнчлэлийн хугацаа  үргэлжилнэ.
  • Байгууллагын хуримтлалаас авах хувь хэмжээ, нөхцөл үргэлжилнэ.
  • Хөрөнгө оруулалтын сан татварын хөнгөлөлттэй тул илүү их өгөөжтэй.
  • Хуримтлалаа Хөрөнгө оруулалтын менежментийн компаниар удирдуулна.
  • ТУС илүү нээлттэй, хяналттай, мэргэжлийн болно.

 

II. Хамтын нээлттэй ХӨРӨНГӨ ОРУУЛАЛТЫН САН гэж юу вэ?

  • Хөрөнгө оруулалтын сан /ХОС/ гэдэг нь гишүүдийнхээ хуримтлалыг мэргэжлийн түвшинд удирдаж, үр өгөөж хүртээх зорилготой тусгай зохицуулалттай компани юм.
  • Хамтын  нээлттэй ХОС нь нэгж эрхээ гишүүддээ худалдахаар байнга санал болгож, гаргасан нэгж эрхээ өөрөө буцаан худалдан авах үүрэг хүлээдэг. Иймд гишүүн та хуримтлалаа авахад таны нэгж эрхийг ХОС өөрөө тухайн өдрийн үнээр худалдан авах тул та илүү ашигтай.
  • Нэгж эрх гэдэг нь ХОС-ийн хөрөнгөөс өмчлөх эрхийг гэрчлэх үнэт цаас буюу энгийнээр хувьцаа.
  • Хөрөнгө оруулалтын менежментийн компани /ХОМК/ нь Хөрөнгө оруулалтын санг мэргэжлийн түвшинд удирдах тусгай зөвшөөрөлтэй компани.

 

III. Таны одоогийн хуримтлал хэрхэн НЭГЖ ЭРХ-д ШИЛЖИХ вэ?

Та санал асуулгад  “ТИЙМ” гэсэн хариултыг сонгож, баталгаажуулснаар бид таны хуримтлалыг  ТУС ХОС-д шилжүүлнэ.
  • Таны дансанд 2025 оны хагас жилийн өгөөж хуваарилна.
  • Нийт өгөөжөөс хувь хүний орлогын албан татвар суутгана.
  • ХОС-д 3 сарын дотор хүлээлгэн өгнө.
  • ХОС тантай “Нэгж эрх худалдах, худалдан авах гэрээ” байгуулна.
  • Энэ хугацаанд таны цалингаас татсан хуримтлалыг ХОС нөхөж бүртгэнэ.
  • ХОС таны хуримтлалд тохирох тооны нэгж эрхийг таны дансанд бүртгэнэ.
  • Нэгж эрхийн үнэ өдөр тутам өсөх бөгөөд таны хуримтлалын үнэлгээ мөн өсөх болно.
  • Ингэснээр таны хуримтлал ӨДӨР ТУТАМ ӨГӨӨЖӨӨР ӨСНӨ.
  • Таны БАЙГУУЛЛАГЫН хуримтлал болон авах эрх хадгалагдана.

 

IV. Санал асуулгад “ҮГҮЙ” гэж хариулбал яах вэ? Хуримтлалаа хэрхэн авах вэ?

  • Санал асуулгад “ҮГҮЙ” гэж хариулснаар Данс хаах хүсэлт илгээх санамж гарч ирнэ.
  • Та андуурч санал өгч байгаа бол “БУЦАХ” товчыг дарж “ТИЙМ” саналыг сонгох боломжтой.
  • Санамжийг “Батлах” товч дарснаар таны “Үгүй” буюу татгалзах санал баталгаажна.
  • Данс хаах хүсэлтийг бөглөж илгээснээр таны хуримтлал авах хүсэлт бидэнд и-мэйлээр ирнэ.
  • Таны хүсэлт ирснээс хойш ажлын 10 хоногт тооцоог хийнэ.

Та данс хаах хүсэлтээ 2025.05.30-ны дотор өгөөрэй. Энэ хугацаанд хүсэлтээ өгч амжаагүй бол Та хөрөнгө оруулалтын сан мэдэгдэл гаргасны дараа буюу 3-с дээш сарын дараа хүсэлтээ өгч хуримтлалаа авч болно.

Мөн та хуримтлал авах бодлооо өөрчилбөл 2025.05.30-ны дотор 70111646 /1679/ дугаарт залгаж саналаа дахин өгөх боломжтой.

 

ГИШҮҮНИЙ ЭРХЭЭР НЭВТРЭХ ЗААВАР

  • АНХ УДАА гишүүнээр нэвтрэх бол Нууц үг сэргээж нэвтрэнэ.
  • Бүртгэл баталгаажаагүй эсвэл та утасны дугаараа өөрчилсөн бол бидэнтэй холбогдож мэдээллээ шалгуулаарай.

 

ХОЛБОО БАРИХ МЭДЭЭЛЭЛ

Утас: 70111646 /1728,1679/