Удирдах зөвлөл нь сангийн эрх барих дээд байгууллага юм. Удирдах зөвлөл нь үүсгэн байгуулагчаас зөвшилцөн томилсон болон бүх гишүүдийн хурлаар олонхийн саналаар гишүүдийн төлөөлөл болон сонгогдсон санхүүгийн зах зээл, бизнесийн салбарт олон жил ажилласан, арвин туршлага, мэдлэг бүхий гишүүдээс бүрддэг. Удирдах зөвлөл нь сангийн стратегийн удирдлагыг хэрэгжүүлэх, сангийн үйл ажиллагааг зохион байгуулах, холбогдох дүрэм журамыг батлах, хэрэгжилтэд хяналт тавих эрх үүрэгтэйгээр сангийн үйл ажиллагааг удирдан явуулна.

Хяналтын зөвлөл нь санхүүгийн болон бусад үйл ажиллагааны хяналтыг хэрэгжүүлэх зорилготой ажилладаг. Хяналтын зөвлөл нь үүсгэн байгуулагчаас зөвшилцөн томилсон болон нийт гишүүдийн хурлаар олонхийн саналаар гишүүдийн төлөөлөл болон сонгогдсон гишүүдээс бүрддэг. Хяналтын зөвлөл нь сангийн дүрэм, журам, стандартын хэрэгжилтэнд хяналт тавих, сангийн удирдлагын үйл ажиллагааны болон санхүүгийн тайлангийн талаар дүгнэлт гаргаж, нийт гишүүдэлд мэдээллэх, сангийн санхүүгийн үйл ажиллагаа хянан шалгах бүрэн эрхтэй ажилладаг.